每月有超過120萬香港人瀏覽immiDaily網站，發掘不同的移民資訊。即使immiDaily與不同的服務供應商合作，我們亦有作深入的調查及篩選，以確保移民人士可以在immiDaily上找到有質素的服務供應商。而我們的編採團隊不受商業因素影響並保持獨立，相關內容與資訊僅以移民人士的最佳利益角度出發。歡迎直接與immiDaily合作的伙伴進行免費的私人咨詢👉 值得信賴的專家 或者你亦可以 即時討論一切與移民相關的資訊、參與在外地的移民過來人的分享活動、連結身處不同城市的香港人👉 加入 immiDaily Discord 社群
兩個加拿大 第二集 文化衝突
好多人都會問Stephen，係high level 做嘢嗰時有冇種族歧視, 我會答你，睇你點睇。
你話佢哋想唔想請純鬼佬，或者本地人做我呢個職位，梗係想啦，如果佢哋請到嘅話！
水務工程師呢個職業對科學，修理，數理化嘅要求好高，所以本身就唔係真係一個咁容易入行而且可以Master嘅職業。如果喺大城市做，呢份工真係好爽好正好開心，真系可以做到退休，但係如果係小鎮嘅話，基本上所有嘢真係一腳踢，無論係查水錶，營運水廠，維修機器，維護水管等等，都需要水務工程師嘅參與或者協助，甚至係落手落腳去整。
有好幾次我哋零下30度凌晨三點，冬天聖誕節爆水管，我做到成身濕晒，冇錯係由頭濕到落腳，所以人話來講，呢份工絕對一啲都唔容易做。你話班鬼仔有得做點會唔想喺大城市做呢，輕鬆咁多，錢賺得多好多。
正所謂冷手執個熱煎堆，就係因為呢度夠偏僻冇人肯做，得我過去做，所以叫做喺亂世之中搵到一份工。
第一日就見到我嘅直屬上司， 吊帶先生（化名），吊先生係一個脾氣暴躁嘅人，我一直懷疑佢有躁鬱症，係我喺high level 做嘢嗰幾年，吊帶先生教咗我好多嘢，但係同時亦都比我見識到，原來喺加拿大，有一啲人真係成世都冇出過國家，對加拿大甚至亞省以外嘅嘢完全毫無認識，冇乜受過高等教育，佢哋嘅世界可以好大，遠之整個天空同埋草原，佢哋嘅世界亦都可以好細，因為除咗佢哋嘅小村莊，佢哋真係乜嘢都唔知乜嘢都唔識…….
吊帶先生其實算是代我不薄，喺我孤零零一個人過聖誕嘅時候，佢同佢嘅構思老婆邀請我過去佢屋企去食聖誕晚餐，其實其他同事都唔錯，不過（如果大家可以忽略佢哋嘅賤嘴嘅話），佢哋係冇rasial sensetivity , 佢哋講嘢唔會諗人哋感受，講人話，佢哋同林雪一樣都係粗漢一名。所以種族歧視呢樣嘢，係每個人嘅心底中都有唔同嘅睇法，有時可能係真係歧視你睇唔起你，有時可能係文化誤解，有時真係只不過個人比較格瑞，所以好難一概而論，每件事嘅來龍去脈都可以好唔同。只不過，佢哋無論鍾唔鍾意我都好，佢哋根本就無辦法請到一個本地人勝任呢份工作，再加上小弟嘅交際能力實在唔錯，所以去到我辭職嗰陣，竟然有男同事為咗我喊（佢唔係gay , 佢之後都仲同我做咗好多年朋友） 。只不過，我已經等咗一年，考咗牌，而且我個老細雖然對我唔錯，但係佢嘅燥鬱症越嚟越嚴重，我真係好擔心自己人身安全，我曾經想去過HR部門投訴，但係如果所說喺呢啲小鎮嘅政府做嘢，佢哋背後嘅利益鏈非常之交集其實真係做唔到啲咩。
佢哋的確想加人工留住我(好多謝我另一個朋友喺高層會議上為我據理力爭），但係我真係諗咗句賺幾多錢都唔夠我睇心理醫生，而且我呢份工的確係高度壓力嘅工作，講緊處理每一個人飲緊嘅食水，一個唔覺意落錯藥水嘅話，隨時係可以搞死人嘅，所以經過我思前想後之後雖然依依不捨，依然決定離開呢一份工，去過第二個地方。係我第一個月嚟到呢個小鎮做嘢嗰時我望住天空嘅繁星（冇錯，因為呢早啲小鎮真係乜光污染都冇，睇星星就好似睇太空館嘅螢光幕電影咁容易）
其實諗返起，佢哋雖然非常之粗野，但同時都幾純樸
我會唔會留喺度一世或者起碼做咗10幾年呢？ 你呢，你寧願住喺大城市定係小鎮？
Stephen Leung
Facebook Group : 上救生艇去加拿大
80後加拿大香港人，政府濾水廠工程師，得閒鍾意寫下blog，肥仔毒男一個，鍾意睇電影同埋砌模型。
阅读更多：
