今次分享下喺多倫多第一次租condo令我長左知識或者大開眼界嘅嘢，歡迎各位已經到左多倫多嘅朋友補充下? 如果其實香港都係咁，你地都同我講聲，比我知道原來我係大鄉里出城?⁣
⁣
1️⃣哩度d盤源全部都係放曬上一個中央系統度，你搵邊個 agent 網站其實都係睇果堆盤源。唔似香港咁樣業主自己放盤比地產公司。⁣
⁣
2️⃣哩度租樓係雙經紀制。業主又會有代表自己嘅經紀，主要deal 嘢係租客同業主嘅經紀們負責。所以即使盤源個個一樣，但係搵個可靠、會努力幫你 fight、suggest 適合你嘅盤、會比曬所有你應該知道嘅資訊嘅 agent 都係非常重要！⁣
⁣
3️⃣哩度可以網上簽租約（係咁搵個電話督督督就得）⁣
⁣
4️⃣（假設你係新黎加拿大，身家清白，但係未搵到工）如果你background取悅唔到業主/ 業主agent，就算你肯預先比曬一年租金，人地都有機會唔想租比你。就算唔洗預先比咁多租金，都有機會被要求以開期票嘅方式比剩餘嘅租金，即是例如最後deal到預先比四個月租金，你都要喺交鎖匙果日寫定八個月嘅期票。（或者整自動轉帳）⁣
⁣
5️⃣原句quote我agent：「哩度租樓你當寫CV咁就啱㗎啦。」真係要喺香港準備好曬d文件說服業主/ 業主個agent你係有能力比得起租嘅，你唔係一個租霸。再原句quote當時覺得好不解嘅媽咪：「哇，租你一個單位仔，要睇我嘅嘢仲多過買樓借按揭。」所以如果準備緊黎加拿大，除非你好老定有份好工喺手，否則要準備定香港Transunion Credit Report、僱主reference letter/ employment letter、全家資產證明?、bank statements、糧單等等去證明你係一個可靠之人?⁣
⁣
6️⃣哩度大部分屋都唔包傢俬，要預筆錢自己去買傢俬。如果要搬大型傢俬，要同管理處book笠，仲要比deposit（我果度係$500加幣支票），仲要好認真咁有張checklist一齊對下部笠前後個condition? ⁣
⁣
7️⃣你肯交paperwork肯交deposit book笠都有機會book唔到? 例如我果度逢星期四、五係要reserve全日比垃圾車出入，同埋星期日係唔比book笠。咁所以⚠️去傢俬舖搞delivery之前要問清楚自己個管理處係咩料先⚠️ ⁣
⁣
8️⃣哩度唔興浪衫出露台，我果度係唔比浪出去，露台亦唔比舖地毯，總之樣樣嘢都要問管理處/ 睇清楚租約。我d衫比dryer乾到全部縮曬水??⁣
⁣
9️⃣哩度係鼓勵節約用水，所以d花灑同馬桶係low flow?⁣（廁紙都唔夠膽dum得多落個馬桶）
?哩度要自己買屋嘅保險，係保障租客嘅財物嘅。
⁣
住耐左加拿大嘅人都覺得condo係最煩? 話說今日業主請我地食早餐，仲請我地參觀佢間house！原來basement整做私人戲院/ 音響房真係好正? 有個大花園可以養兩隻大狗種下嘢好幸福！希望大家都可以快d有咁嘅一日，黎加拿大渣車住house養狗種菜享受藍天白雲有松鼠周圍走有海鷗係頭頂盤旋嘅生活?⁣
最後讚下 @kinwong_toronto_realestate 先，佢nice到我呀媽成日叫佢Ho仔Ho仔（佢個名最後一個字）? 利申無收佢錢賣廣告㗎?

終於比我搵到一個滄海遺珠，價格又唔係太貴，交通方便，又係好校網嘅排屋，等我帶大家一齊去睇吓啦！

*內容由多倫多地產經紀 Kin Wong 提供，immiDaily 並無收取任何廣告費用，純粹值得分享，所有在immiDaily 上的廣告都會有標示，有關immiDaily 的廣告政策及聲明，可以到 https://immidaily.com/disclaimer/ 了解更多。