移民最煩既莫過於係到步前需要安排好多繁瑣的大小事情，其中包括要安排好住宿，生活資金，搵工甚至係擔心好難識到鄰居。咁事實上，坊間有唔少app係可以幫到大家可以快啲適應英國生活。除左基本既social media應用程式，今日亦都會介紹大家生活日常app，不單止可以搜集留英資訊，還可以教大家點樣買生活日常用品憾更多錢。當中包括房地產、社交、搵工、交通等範疇，有左啲app就唔洗愁啦！
租房揾屋企：Rightmove, Spareroom
Rightmove 分為租盤同買盤，係英國最大物業同租屋既手機App。只要輸入想買既地區，就可以根據範圍、房間數目、價錢、物業類型、加入時間等條件去搜尋。Rightmove有個功能：School Checker係可以睇到附近既學校，仲有個叫做Map View的功能，可以看到整個地區不同的放盤單位。
Spareroom 係一個合租單位既App。呢個App更可以選擇roommate既條件，例如性別、性取向、是否素食者、煙民、養寵物，或會否同業主一起住。但要留意熱門地區同受歡迎類型既租盤都非常搶手，大家睇啱就要及早出手。
社區交流：Nextdoor
為左增加用戶既真確性，登記時會要求用戶輸入郵政編碼及實名註冊，更會要求用戶用電話GPS位置，寄postcard以及打電話到家中確認身份。在App內用戶可查看該區既最新情況，有類似Facebook群組既群組可以加入，更有本區附近商舖既資料。內裡會有社區詳細地圖，亦會顯示該區治安資訊，查看附近發生什麼罪案，比大家更了解該區情況。
廣告攔截：Should I Answer
這個App就可以自動攔截所有垃圾來電，或當你看到來電係電話傳銷，你就可以自己停止接聽，相當方便。佢除咗係免費，無論係Apps store定係Play Store版本，都係更提供三種Protection level畀各位選擇。例如Active Protection就會自動幫你block廣告或者呃人既來電。而Passive Level就唔會幫你自動攔截呢啲電話，但係會出現Pop-up提示，畀你知道來電者身份同埋相關資料。
超級市場格價：Comparasaurus
剛到步英國想購買日常用品但係又唔知邊度買會更便宜，想比較價錢又好麻煩需要走幾間超市。其實英國居民都會用Comparasaurus，按一按就知道你想買既物品係邊個超市最便宜啦！只要在這個App輸入想買既產品，大部份超級市場、同一件貨品既價錢都會顯示出來，你就可以用最低既價錢去購買，節省不少金錢。
搵工：JobToday, Rota
去到英國，剛剛開始適應生活卻發現入不敷出，週末又沒有什麼事情做想找散工英文卻唔夠當地人流利，搵工相對比較難。英國散工工種很多，好似侍應、倉務員、酒店接待員等，入職要求都唔算好高，建議大家下載不同既兼職apps，好似JobToday或Rota，前者涵蓋較多工種，後者以餐飲類兼職或散工為主，最快幾日就可以搵到工作，非常方便。除左搵工，JobToday仲有簡歷的模版申請者參考。如果你唔知要揾點樣既工種，可以按Career Advise參考。Rota不止可以搵散工，仲可以通過app選擇你要既做工時間，亦都會清楚顯示每小時既人工。
交通：Citymapper
City Mapper提供世界各大城市既交通資訊，當中包括英國。它可以用「點到點」搜尋你要去的地方，除左會顯示你班車既車程，中途就算要轉車，都可以教你去到目的地。它更會幫你計算價錢，可以用最便宜既方法去到目的地。基本上只要你有這個App，絕對係你居英既最佳盲公竹。
阅读更多：